Bon obra, bon reakshon pa ...

‘Ora pushi no te’i, Raton ta fiesta’

WILLEMSTAD.- Djabièrnè último a tuma lugá e estreno dje obra teatral ‘Ora Pushi no te’i, Raton ta Fiesta’ na Lanthuis Chobolobo. E obra ku a keda skibi i dirigí pa Shenyo Bokshoven i a konta ku tres presentashon ‘sold out’. 

Públiko ku a asistí a disfrutá di un bon obra ku diferente momentu di hilaridat kompaña ku mensahenan di bida. Den e obra bo por a mira diferente situashon ku ta presentá na boka di trabou i den bida personal di koleganan ku ta laborá huntu den un restorant. 

Un kòmplimènt ta bai na e elenko ku a duna un bon presentashon i a sa di tene e públiko atento den kada un dje segmentonan dje obra. 

E promotornan dje obra a indiká na ‘DEN E BEMBE’ ku nan ta pendiente pa mas presentashon dje obra. Den e siman aki lo anunsiá e fechanan nobo. Keda pendiente. 

Riba e potretnan nos por mira algun momentu durante dje presentashon dje obra.