WILLEMSTAD.- Extra Little League a risibí un komunikado di organisashon Trai Seru despues ku siman pasá a kaba di firma e pelotero Richgelon Juliana. E komunikado ta lo siguiente:

“E dicho ta: Suku no sa gaba su mes, pero nos (Tra’i Seru) ta bai gaba nos mes. Ku e firmanan di Cedanne Rifaela i Richgelon Juliana, nos a yega  e   kantidat di 14 pelotero ku a firma durante nos 15 añanan di eksistensia.  Ku e kantidat respetá aki, bo por konkluí ku nos organisashon (Tra’i Seru)  tin un di e mihó programanan di Beisbòl  na Kòrsou.

Banda di e peloteronan ku a firma ku un ekipo di MLB, nos tin  hopi  mucha ku ta studiando i hungando Beisbòl na Merka i na Ulanda.                                                                                     Tur esaki ta danki na tur e boluntarionan, ku durante tur e añanan a yuda kombertí nos Fundashon den un di e mihónan. Danki na tur nos mayornan pa nan sosten.

Un danki grandi na tur nos ‘coachnan’  ku       pa añanan ta dediká nan tempu liber boluntariamente pa yuda nos muchanan.  Un gradisimentu spesial ta bai tambe na nos direktiva ku semper a sostené e programa. Na tur nos miembronan di e diferente komishonnan tambe masha danki. Last but not least, na ‘APC’ Algemeen Pensioenfonds van Curaçao, nos spònser ofisial di tur e 15 añanan. Sigui ku e bon trabou!”