WILLEMSTAD.- Resientemente a keda lantá e grupo rítmiko ‘OriRi’ ku ta para pa ‘Originales Rítmiko’ ku tin e slogan ‘Te Paden’.
‘OriRi’ ta pendiente pa próksimamente hasi su debut. Nan lo graba kansionnan kultural den diferente ritmo, e promé ku nan ta lansa ta un Seú titulá ‘Ban den Pasado’.
E ta un medley di kansionnan di pasado ku ta keda interpretá pa Sharrel ‘Adjatay’ Denisia ku kolaborashon di Leon ‘Leo’ Legito.

DEBUT
Debut di ‘OriRi’ lo tuma lugá dia 25 di mart próksimo den un evento ku ta hiba di nòmber ‘Wap’e mané bo ke’. Riba e dia aki lo bo tin chèns di disfrutá dje presentashon di Sablika, Limania, Grupo Komper i e debut di ‘OriRi’.
‘Wap’e mane bo ke’ ta tuma lugá den Club Union Boneriano.