BALTIMORE-No tabata tin duda ku Baltimore Orioles tabata e ekipo mas malu den Liga Grandi despues di a termina temporada ku marka di 47-115. Esaki despues ku e ekipo a kambia diferente di nan estreanan manera Manny Machado, Jonathan Schoop, Zach Britton, Brad Brach, Darren O'Day and Kevin Gausman. Segun e wèpsait “FiveThirtyEight”, no solamente Orioles tabata e ekipo mas malu den Liga Grandi pero tambe entre tur e ekiponan profeshonal na Merka. Hecho ta ku segun e wèpsait si sitema, kuater di e ekiponan mas malu den deporte profeshonal na Merka ta den beisbòl inkluyendo Detroit Tigers, Miami Marlins I Chicago White Sox. Esaki sigur no ta un bon refleho pa Liga Grandi I ta poniendo lus riba e no balanse kompetitivo di e deporte ku ta desaroyando. Pa loke ta Orioles no tin sigur ahinda ki dia nan lo bai ta kompetitivo atrobe ya ku tin henter un restrukturashon ta tumando luga for di front office te ku e ekipo riba tereno.