WILLEMSTAD.- Grupo Rítmiko ‘Oriri’ ta sigui produsí i awe ta lansa e komposishon di Doña Elia Isenia titulá ‘Ta na Mundu’. E komposishon ku ta un tumba ku tinta boneriano ta keda interpretá pa Jurella Nita i ta konta ku Tito Ansano i Sharrel Denisia komo koristanan. Oriri a lanta pa halsa nos kultura i tiki tiki nan ta usando loke ku pueblo a kustumbrá kuné ku ta e ritmo boneriano ku ta zonando henter aña. Oriri ta toka wals, seú, tumba i hopi mas.