WILLEMSTAD.- E grupo rítmiko, OriRi – Originales Rítmiko, a drenta studio di grabashon i a produsí un cover di e kansion tan popular ‘Hello’ di Kes.
E grupo rítmiko ku a lanta dia 25 di mart último ta gosando di bon popularidat bou dje amantenan di músika kultural.
Kanta pa Sharrel Denisia, ‘Hello’ a keda transformá den un Seú/Tumba den 1 piesa. Entrante awe por kuminsá skucha e piesa na radio emisoranan lokal. Oriri su meta ta pa mantené nos ritmonan bibu.