WILLEMSTAD.- Orkesta Romeo ta nòmber dje banda nobo ku tin na kabes, Romeo Heije. Despues dje eksitoso homenahe na Romeo Heijie ku tabatin riba Plasa Brion e desishon a kai pa Romeo tin su propio banda ku ta karga e nòmber “ORO”, Orkesta Romeo. Riba medionan sosial por a tuma nota dje debut ku ta tuma lugá mañan anochi i ku e kombinashon dje anochi lo ta Romeo Heije v/s Rignald Recordino. E kombinashon aki tin tur ingrediente pa paralisá Kòrsou. Nos tabat’ei na ensayo di Orkesta Romeo i mester bisa ku e loke ta bai pasa mañan lo ta algu inolvidabel. Bin rekordá ‘La Ultima Suplica’. Segun ‘DEN E BEMBE’ por a komprondé e karchinan ta kabando, pues abo ku ta interesá bai buska bo karchi na Beep Beep, Time to Time i na 24 uur uit de muur. Pa VIP yama 685-0475.