KRALENDIJK -- Otilia Mercera a fayesé den wikènt. Ta un persona ku tabata hopi konosí den vários gremio di e komunidat boneriano, spesialmente e bario di Rincon, na unda el a nase i lanta. Otilia su mayornan tabata e legendario supervisor di Slagbaai Jerry Martijn i Merencia Mercera. Otilia òf Tia, manera tabata yam'é, a biba un temporada na Caracas, Venezuela, na unda e tabatin te asta un tienda.

E tabata regla hopi kos pa bonerianonan ku tabata bishitá Caracas den tempu ku
e siudat aki tabata hopi atraktivo pa turistanan di e islanan ABC.
Otilia for di aña pasá, na momentu ku Extra a topa kuné,
tabatin su kehonan di salú. Na yanüari aki el a bai Colombia pa tratamentu médiko spesialisá.

Aya el a fayesé. Elba Mercera, kende a konosé Otilia hopi, bon a skirbi riba su página di facebook: "Mi no por kaba kere ku Tia a bai laga nos. Ta yanüari, un dia promé ku mi a bula pa Hulanda,Tia a bira malu bai Colombia. Nos a keda karga e speransa ku pronto Tia lo regresá Kòrsou bèk, pero Señor a disidí otro. Tia no sa bira malu bai dòkter. El a bira malu awor i awe Tia no tei mas. Tia semper tabata kla pa yuda tur hende, foral oral su famianan. "