LOS ANGELES, MERKA.- Despues di a konkista Hollywood, awor Dwayne ‘The Rock’ Johnson tin su bista fiha riba Kas Blanku.
E aktor a indiká na e revista GQ ku su intenshon pa postulá pa presidensia di Merka ta algu ku ta posibel. Johnson den e entrevista a indiká ku si e tabata presidente ku liderazgo lo tabata un prioridat.
Johnson no a revelá masha riba su inklinashon polítiko, pero el a bisa di no ta na fabor di Presidente Donald Trump su prohibishon di biahe debí ku e ta kere den inklushon di un pueblo.
Si Johnson disidí di postulá su mes na 2020, Johnson lo ta djis un dje diferente selebridatnan ku tin bista riba e trabou. Kanye West a indiká kaba ku e ta interesá, meskos ku Oprah Winfrey ku tambe ta interesá pa postulá su mes pa presidensia di Merka.