WILLEMSTAD.- Dia 9 i 10 di yüni awor Salsbach Jazz Trio a hinka un tremendo repertorio den otro i bo no por keda afó. Djabièrnè último tabatin un ‘jam session’ úniko. Pero e evento grandi ta e siman aki i Art & More huntu ku Art Heals i CCC ta konta ku bo presensiá riba e dos dianan aki pa rekoudá fondo pa ekspreshon di Arte.
Dos anochi di ekspreshon di pintura, bon músika di jazz. Meta di e evento aki ta pa e fundashonnan krea mas posibilidat pa tur hende tin e oportunidat di ekspresá nan talento den e mundu di arte plástiko. “Mi ta orguyoso di e proyekto aki pa motibu ku nos fin no ta di lukro! Nos ke sigui yuda hopi organisashon rònt Kòrsou i esaki ta un paso grandi ku nos ta duna pa yega asina leu”, asina sra. Morgaine Parris kordinadó di e proyekto ta splika.
Si bo ke djòin registrá na tempu! Yama 737-9094,690-9433, òf 518-8050. Bo por registrá via angelparris1963@gmail.com. Bo kontribushon 75 florin i nos ke sa ki biña bo gusta.