WILLEMSTAD.- Fin di siman próksimo ta bai tin un tremendo enkuentro di moda ku kantante i personahenan konosí den nos komunidat. Ta trata aki di “Celebrity Fashion Weekend” esaki ta un meskla di moda ku entretenementu kaminda nos artistanan lokal lo desfilá i hasi photoshoot miéntras ku bo por disfrutá di nan kansionnan mas popular.
Djasabra 21 di òktober entre 5’or i 6’or di atardi ALDO ta presentá e kantante femenino di momentu Aemy den un “ Icon Shoe & Accesries Photo Shoot”. Cortefiel ta presentá e ídolonan di GENTZ Randy Cordilia, Amos Balentien, Djuric Virginie i Ray Lauffer den “ Fame Runway Show & Editorial Shoot.
Djadumingu 22 di òktober ta turno pa Springfield presentá “ Superstars Runway Show” ku elenko di ‘We Talk’ i ‘Mainta’, e streanan di TV Direct kanal 13.
Pa klousurá “My Secret Beauty Shoot” ku Gigi Clotilda presentá pa Woman Secret. Un idea sigur úniko i diferente ku ta pa promé biaha ta ser presentá den Sambil. Na kompra di 100 florin òf mas durante dia di 21 i 22 di òktober bo ta risibí bo ‘Celebrity Member card’ grátis ku kual bo ta risibí deskuento durante 1 aña na e establesimentunan ariba menshoná.
Pueblo di Kòrsou kompletu ta invitá pa presensiá nos selebridatnan lokal den akshon den e ámbito di moda. Kòrda bai ku kámara pa bo saka pòtrèt ku bo artistanan preferí. Pa mas informashon bishitá e página di facebook: ‘Mas Moda’.