Pablo Macario Manuel

In Memoriam
~ Pablo Macario Manuel ~
15 yanüari 1930 - 25 febrüari 2023

UN PALU GRANDI A KAI.
Pero ku un raís asina profundo, ku a nase matanan nobo ku a duna i lo sigui duna fruta.

Tabata na aña 1959, komo un hóben di apenas 29 aña pará den bentana di kas di q.e.p.d. Sr. Victor Comenensia, ku tabata q.e.p.d. Sr. Toni Plantijn ku a grit'é " Kiko bo ta hasi para ei fo. Bin paden kuminsa kobra pa mi". Ta di e forma aki e bida koperativista di Don Macario Manuel a kuminsá.

Den e mes un aña ei, den un reunion general, Macai a wòrdu eligí komo e promé tesorero i a funshoná pa mas ku 30 aña komo tesorero den Koperativa San Pedro.
Pues Macai ta tambe ko-fundadó di Koperativa San Pedro
Di 1960 pa 1983 Macai a traha komo tesorero 23 aña konsekutivamente.
Di 1984 pa 1988 Macai a traha den Hunta di Supervishon
Di 1999 pa 2015 Macai a traha den Komishon di Fiansa.

Stichting Centraal Acencion

Macai tambe a yuda for di inisio di konstrukshon di e edifisio di Koperativa San Pedro.

Pa por a haña finansiamentu pa por a termina konstrukhon di e edifisio a lanta Stichting Centraal Acencion di kual Macai tabata 2do tesorero tè na su fayesimentu nò opstante ku ultimamente e no tabata aktivo mas.

Ta bon pa remarká ku na aña 1992 direktiva di e stichting a baha i tabata Macai su sò ku a keda karga responsabilidat hasiendo tur trabounan nesesario ku ta regardá e edifisio i nos koperativa.

Pues, ku esaki nos por konkluí ku Macai a penetrá den tur skina di trabou di nos koperativa lagando atras e úniko koperativa di bario na Korsou i ku ta sólido ku un solvabilidat haltu ku ta garantisá yudansa pa e 3,200 sosionan i espesialmente esnan mas debil den nos komunidat.

Ta algu mas ku dos-tersera parti (2/3) di su bida.

Macaai bo tabata GRANDI aki na Kòrsou, hasiendo e trabou noble aki. Bo no ta físikamente ku nos mas pero bo vibrashon tabata asina grandi ku nos ta keda mira i rekordá bo pa semper.

Na nòmber di direktiva, hunta di supervishon i empleadonan di Koperativa San Pedro, ta desea Linchi, Jenny, Echi i Rishi i famianan hopi forsa i ku Macai lo sosegá na pas.

Direktiva di Koperativa San Pedro.