BRUSELAS, BELGIKA, AFP.- Estadonan miembro di Union Oropeo a bai di akuerdo ku un mekanismo pa limitá durante di tres dia konsekutivo preisnan di gas mayoritario na momentu ku el a pasa 180 euro MWh, segun e konseho Oropeo.
E mekanismo aki di limitashon, a keda tuma pa 27 pais despues di vários siman di debate, i solamente lo aktivá na momentu ku e nivel di preis ta ménos ku 35 euro superior na e preis internashonal promedio di gas natural GNL segun e komunikado.
E ministernan oropeo di energia, reuní na Bruselas, a alkansá un akuerdo importante pa protehá e siudadanonan di e oumento di preisnan di energia, ku un mekanismo realista i efikas ku ta inkluí e garantia nesesario pa seguridat di e suministro i e stabilidat di e merkadonan finansiero, asina minister cheko Josef Sikela kende su pais tin presidensia di turno den Union Oropeo a bisa.
E mekanismo lo apliká na kontraktnan den futuro di e merkado di gas.
Direktamente afektá pa e medida, Rusia a kalifiká e limitashon aki inaseptabel. E ta un violashon di e fihashon di preisnan. Tur referensia na un límite ta inaseptabel, segun e bosero di Kremlin Dmitri Peskov a bisa na agensianan ruso. E kontrakt di gas pa entrega denter di un luna ta ayera na 110 euro.