WILLEMSTAD.- Otro inovashon pa temporada di Karnaval ta e “Parada di Baiskel ku Lus” ku lo tuma lugá djasabra 16 febrüari próksimo.
Fundashon JAG kier invitá bo pa kuminsá prepará bo baiskel, buska bo karchi pa asina partisipá huntu den un dushi ambiente anochi ku Lus. E siman aki tur dia keda pendiente na tur media pa spesial nan ku ta bai tin huntu ku algun ‘gimmick’ tremendo.
E parada aki lo tuma lugá riba e mesun ruta di Karnaval, lo sali pa 6 or di atardi i ta plania pa terminá pa 11 or di anochi. Karchinan ya ta optenibel na 24 uur uit de muur, Beep Beep, Mensing’s Caminada. E pakete ta kosta 35 florin ku ta inkluí bo T-shirt, mas 2 lus. Bo mes por dòrna bo baiskel ku mas lus.
Lo sali for di Pizza Hut, Sta. Maria kue e ruta di Karnaval, na SVB lo tuma un sosiegu di 30 minüt pa despues kontinuá e parada i terminá bèk na Pizza Hut, Sta. Maria. Djabièrnè 15 febrüari lo entregá e pakete na TAPIRAMA, riba Jan Noorduynweg, presentá ku bo karchi pa por risibí bo Pakete. For di 3 or di mèrdia te ku 7 or di anochi.