WILLEMSTAD.- Pariba a gana den Junior, Senior i Intermediate den oranan di atardi den komienso di play-off Little League 2017.  Den oranan di anochi dilanti un públiko grandísimo den Stadion Post 6, Pabou ta logra gana di Pariba den divishon Little League.

Den e promé wega 1’or di mèrdia den Junior League, Pariba a gana 12-0. Despues den un tremendo partido di Senior League Pariba ta gana Pabou pèrtá 3 pa 1.  E weganan di Junior i Senior a tuma lugá den Sabana Ballpark.

Pariba a gana Pabou 8 pa 7 den un wega emoshonante den Sabana Ballpark.  Nos tin e resultadonan i algun numerito. Weganan ta sigui awe nochi den e parkenan menshoná,  kaminda Liga Willemstad lo mira akshon.

Pariba 8, Pabou 7 (Intermediate)

Pariba tabatin 5 hit ku 3 eror. Ganadó  tabata Burnett. Donovan Antonia a bati di 2-2. Pa Pabou 5 hit ku 4 eror. Arismendy a resultá pèrdèdó i e mes a bai di 4-1.

Pariba 3, Pabou 1(Senior)

Pariba a dal 4 hit i hasi 1 eror. Richgelon Juliana a gana. Arjun Huerta a bati di 2-1. Ryson Polonius ku Arguently Bonevacia a bati tripel pa Pariba. Pabou a konektá 2 hit i hunga sin eror. Givaine Basilia a pèrdè. Darwin Gregg a bati di 2-1. E hit tabata un doblete.

Pabou 4, Pariba 0 (Little)

Picher ganadó tabata Kevin Blindenburg. El a risibí relevo di Keordon Leito i Rifaela.  Mairoshendrik Martinus tabata e mihó bateadó pa Pabou. Pa Pariba Jeverson Rellum  a resultá pèrdèdó. Van ‘t Kruys a bai di 1-1.

Pariba 12, Pabou 0 (Junior)

Pariba ku picheo di Ericson  ta gana di Pabou ku skor grandi 12-0. Pariba tabata dilanti for di komienso te na final di e wega ku a terminá pa medio di nòkout. Pariba a konektá 11 hit i hasi 1 eror. Jamal Zalm a bati di 4-4 pa Pariba.  Pabou a bati 3 hit i hasi 2 eror. Klevert Martina tabata e picher pèrdèdó pa Pabou.