WILLEMSTAD- Extra Intermediate a entrevistá e manager di Liga Pariba tambe ku ta Jerryson Beaumont. Jerryson a bisa ku e plan di picheo tei i a ahustá debí na kambionan di skèdjel. Jerryson Beaumont: “Nos ta den gran forma. Nos lo reuní den kuerpo tékniko pa wak e pichernan ku nos ta manda den e doubleheader ku ta bai sigui. Te ainda nos tin Attaf pa habri un di e weganan. En total nos tin 8 picher ku por tira bon. Segun e dos weganan di djabièrnè ta bai, nos lo plania. Un dia promé ku e weganan benidero nos lo bini huntu pa bolbe ahustá. Nos picher estelar Ayden Calmes por picha djabièrnè bèk, pero nos lo wak si lo ward’é pa semi-final. Normalmente djabièrnè mester tabatin semi-final, pero awor djabièrnè ta dia di un doubleheader promé ku bai semi-final. Nos tin Deverson Papa i tambe Simon Rodriguez ku por tira djabièrnè. Nos ta kla pa semi-final i final.”

Ayden Calmes, picher estelar di Pariba ku ta kla pa picha djabièrnè òf djasabra.