MERKA.-  E yu di 19 aña di Michael Jackson, Paris Jackson i e aktor di 36 aña di ‘Home Alone’, Macaulay Culkin a keda fotografia djasabra último na momentu ku nan a drenta den un negoshi di tattoo. E portal E’Online tin e pòtrètnan dje momentu ku nan dos ta drenta e negoshi.
Despues di nan bishita na e negoshi Paris a pone un pòtrèt riba Instagram kaminda bo ta mira nan  mannan banda di otro i ku riba tur dos tin un imágen di un kuchara. Esaki lo mester ta e símbolo di ‘doló króniko’. Paris no a skibi kiko ta e intenshon ku e publikashon di e tattoo.
Despues ku Paris a nase, su tata Michael Jackson’ a puntra su bon amigu, Culkin pa e bira e padrino di Paris. Nan dos últimamente ta ser mira na vários okashon huntu.