MERKA.- Paris Jackson a konmové hopi ku su akto noble. E yu muhé di e ‘Prinsipe di Pop’, a limpia e strea di ‘Walk of Fame’ di Michael Jackson despues ku esaki a keda vandalisá.
E interesante dje kos ta ku e strea no ta di su tata, pero di un famoso lokutor di radio ku di 84 aña ku e mesun nòmber.
‘Algun hende no tin respetá’, asina el a bisa den un mensahe ku el a pone riba Instagram kaminda riba un potrèt bo ta mir’é limpiando e ‘grafitti’ kòrá ku tabatin riba e strea ku aceton.
‘Un nòmber ta un nòmber’, esaki sin ku a import’é ku no tabata trata di e strea di e kantante.
Den un entrevista ku e revista Rolling Stone, Paris a bisa ku e ta sintié orguyoso di su tata. ‘E ta mi tata’, asina e modelo a bisa dje ikono musikal. ‘Semper lo ta ta mi tata. E hendenan ku konosé bon ta bisa ku nan ta mir’é den mi’.