ORANJESTAD.- Awe mainta e polítiko rubiano Sue-Ann Ras, di partido MEP, a entrega su retiro komo parlamentario. Sue-Ann Ras ta e parlamentario kende durante di un reunion den Eerste Kamer na Ulanda resientemente tabata sinta wak un pelíkula riba su tablèt. E no tabata sa ku tin bista riba dje tras di su lomba i ku a graba kon e ta sinta wak e pelíkula. Tantu na Aruba, Kòrsou i na Ulanda e kaso e haña hopi atenshon i tabatin hopi krítika den su direkshon.
A base di esaki Sue-Ann a disidí ku e ta entrega su retiro i pone e asiento na disposishon di partido MEP. Di forma bon kla e ta indiká ku e desishon aki mester sirbi komo ehèmpel tambe kon hende mester asumí responsabilidat pa nan aktonan. E emoshonnan tabata haltu, pero e tambe Sue-Ann a demostrando di por kontené su mes i kaba di splika pueblo di Aruba i rònt mundu ki tipo di hende e ta. El a publiká un video riba Facebook.

https://www.facebook.com/24ora/videos/733111643787926/