TEHRAN, IRAN, AFP.- Parlamento di Iran a aprobá kasi tur kandidato di gabinete di presidente Ebrahim Raisi.
Parlamento a aprobá 18 di 19 kandidato ku Raisi a skohe pa forma parti di e gabinete nobo.
Nan a rechasá e presidente su kandidato pa edukashon, kual ta nifiká ku e mester bolbe skohe un otro kandidato pa e puesto aki.
Raisi a gana elekshon di 18 yüni i ta remplasá presidente Hassan Rouhani.
Iran a sufri finansieramente dor di e sanshonnan ku Merka a imponé despues ku presidente merikano Donald Trump a bandoná un akuerdo nuklear ku Iran den 2018. Komo konsekuensia, Iran a bandoná mayoria kompromiso di e akuerdo.
Rusia i China ta purbando di determiná si e pais kier sigui ku e kombersashonnan ku a inisiá na Vienna den aprel, pa salba e akuerdo nuklear di 2015. E akuerdo ta apsolbé Iran di algun sanshon di paisnan den oksidente i Nashon Uní si e teritorio kontrolá su programa nuklear.
