WILLEMSTAD.- Dos siman pasá e prinsesanan a presentá pa promé biaha dilanti un públiko i na un manera masha kreativo nan a skohe nan numbernan ku nan lo usa hinter e temporada.
E biaha aki a toka turno pa nan kuminsá kompetí pa e promé títulonan ofisial, kaminda a prepará un bunita show ku tin komo título ‘Star Fantasy’.
Tur aña IBFF ta bin ku un fantasia dilanti kaminda esei lo reflehá den hinter e sertámen kaminda nan lo prepará un bunita trahe di Fantasia e biaha aki ku e tema strea.
E sala di Renaissance Curaçao Resort and Casino lo bira un sala kaminda nan lo ta e streanan ku lo kompetí, nan lo ser kompañá den un tremendo ‘opening’ ku e grupo di baile di kas Explotion Dancers. Nan di dos presentashon nan lo tin ku presentá huntu ku 16 modelo den trahenan di Kriss Kross, di kuater presentashon nan tin ku kombersá ku Tito Doran ku lo ta e maestro di seremonia pa bo konosé nan mas.
Premionan ku lo anunsiá e atardi aki ta: Mini beauty: Hair, Smile, Fantasy, Dynamic, Skin, Model, Face i Personality.
E bunita show aki lo kuminsá 4 or di atardi. Djadumingu awor bin ku hinter famia pa bo gosa di un bunita show hasí ku hopi amor speshal pa mucha.