WILLEMSTAD.- Den fin di siman último nos partisipantenan pa Miss Curaçao Teenager 2017 tabatin un tremendo enkuentro ku nos baluartenan di kultura.
E hóbennan aki tabatin e oportunidat di por a práktika i siña di aserka tur loke nos kultura ta riku na dje i yuda pa keda mantené bibu pa nos futuro generashon.
E hóbennan a siña i a gosa nan kultura i aworakí nan sa no solamente kon ta presentá sino tambe apliká tur loke nan a siña.
E tayer tabata ku: 1. Sra. Elia Isenia ku a duna nan bida den kunuku i bida nan di trabou;
2. Randall Rosalia: Tayer di Músika; 3. Pepi Sluis nan por a práktika Baile Kultural;
4. Cenaida van Dinter ku a siña nan e arte di Maramentu di lensu.
IBFF ta yama danki na e baluartenan ku a tuma nan tempu pa laga hóbennan sa ku nos tin ku Biba Nos Kultura!