WILLEMSTAD.- Personanan ku a hasi reservashon i inkluso a paga pa biaha pa República Dominicana ku e kompania Skyhigh Aviation ta eksigí nan plaka, awor ku a bira opvio ku e kompania lo no por kumpli ku kompromisonan ku e tin ku hendenan ku a paga nan ticket pa bai e pais di merengue. Ayera mainta a reina un momentu di malkontentu na Aeropuerto Flamingo, kaminda un grupo di pasahero a presentá hopi rabiá. E fotonan ta duna un bista di e situashon.