PALMA DE MALLORCA, Spaña, AFP.- Un wes spañó a dikta djaluna anochi ku e 12 detenidonan ku a hui for di un avion durante aterisahe di emergensia riba isla di Mallorca djabièrnè lo keda detené.

Diario de Mallorca a splika ku e detenidonan, mayoria marokano segun outoridat, a wòrdu akusá ku delitonan manera desòrdu públiko i inmigrashon ilegal, durante nan intento pa purba drenta Spaña.

Segun RTVE, e wes a tuma e desishon aki mirando gravedat di e delitonan i riesgo di e eskape.

E pasaheronan a hui despues ku un di e detenidonan a fingi di ta malu riba un buelo entre Maroko i Turkia, obligando un aterisahe di emergensia na Palma de Mallorca.

Bintikuater hende a hui for di e avion i ya a detené 12 persona. “Ainda mester lokalisá e otro 12 personanan”, segun indikashon di representante di e gobièrnu spañó, Aina Calvo.

Ta trata di akontesimentunan ku no a sosodé den pasado “na niun aeropuerto den nos pais”. e pasahero ku a fingi su enfermedat a keda transportá pa hospital, kaminda no a detené niun problema resultando den su detenshon.