WILLEMSTAD – Fundashon Venezolana de Investigaciones Sismologicas a registrá Pasku anochi un temblor 39 kilometer zùitwèst di Kòrsou. E temblor a tuma lugá 25 di desèmber pa 7:06 pm i tabatin un magnitut 3 riba e eskala di Richter. E koordinatonan tabata 11,87 (Latitut) i 68,07 (longitut) i tabata na un profundidat di 28,1 km. Riba e mapa por tuma nota di e strea kual ta indika e posishon eksakto di e temblor aki.