WILLEMSTAD.- Tsean, un dje artistanan mas gustá den e último añanan pa su forma di presentá i e estilo sèksi ku e ta duna show riba tarima. E kantante ku su kansionnan ta na bo gana di keda pega pega, mas serka esun ku bo tin na bo lado.
Tsean, e artista ku den un fiesta, 4 mei 2018, a hala mas ku 2 mil fanátiko den WTC kaminda el a presentá ‘Tur di mi P’abo’, un dje fiestanan mas gustá di 2018, kaminda su fanátikonan a kanta na bos haltu tur su kantikanan.
Pasku anochi, 25 desèmber, ‘Mellow Christmas’ lo bai ta e úniko fiesta den desèmber kaminda Tsean ta bai kanta tur su éksitonan pa su fanátikonan.
Tsean ke pa tur hende bin ‘Fall in Love’ e Pasku aki den WTC i demostrá amor na bo sernan kerí ku a drai rònt di bo henter aña.
Tsean lo ta huntu ku su amigunan pa ‘Mellowdown’ e vibe den WTC kompaña pa ‘Army of 14’ i Gentz. Karchinan ta na benta na puntonan di benta konosí.
Subi e página di Tsean riba Facebook i pidi e kansion ku bo ke pe kanta pa bo, kisas lo bo por ta esun ku 25 desèmber den WTC lo e subi tarima i dediká e kansion na abo.
Pasku anochi lo ta un anochi inolvidabel p’abo ku bo ser kerí, bin disfrutá di Tsean ‘Mellow Mellow’.