WILLEMSTAD. - En konekshon ku e kaso ku a sosodé djasabra 15 aprel último den oranan trempan di mainta kaminda a sende kandela den e sede di PAR, mesora Ministerio Públiko i Kuerpo Polisial Kòrsou a inisiá ku un investigashon (penal).

Tanten e investigashon aki ta kanando, durante di e dianan aki lo hasi e vigilansia mobil mas skèrpi na tur sede/ kantor di e partidonan polítiko ku ta partisipá na e elekshon di dia 28 binidero. Ministerio Públiko i polis ta konsiderá ku nos tin un responsabilidat konhunto pa laga e elekshon di dia 28 kana na òrdu i trankil. E patruyahe mas skèrpi tambe ta kontribuí na esaki.

Ministerio Públiko i Kuerpo Polisial ta tuma kualke menasa di òf intimidashon kontra un partido polítiko hopi serio i lo no tolerá esaki.