HERUSALEM, AP.- E visepresidente merikano Mike Pence a defendé presidente Donald Trump riba su komentarionan resien tokante inmigrantenan di Afrika i Haiti. El a bisa ku e “kurason” di e presidente ta buskando un sistema basá riba méritonan ku no ta presta atenshon na “rasa òf kredo” di e inmigrantenan.
Den un entrevista desde Herusalèm, Pence a bisa ku e presidente tabata determiná pa implementá un sistema di inmigrashon di esnan ku ta “kontribuí na un ekonomia i komunidatnan vibrante” den e pais.
“Mi konosé e kurason di e presidente i mi sa ku loke e kier ta reformá inmigrashon pa hasi nos sistema unu ku ta priorisá interes di e pais”, asina Pence a bisa. El a agregá ku e inmigrantenan mester wòrdu konsiderá riba nan base di mérito “sin importá di ki pais nan ta bini ni kiko ta nan rasa òf religion”.
Pence no a rospondé mesora na preguntanan riba si e lenguahe usa pa Trump tabata apropiá, pero el a bisa ku e intenshonnan di e presidente “tin tur kos di aber ku move nos pais pa un sistema basá riba mérito”.
Pence, den un bishita di kuater dia pa Medio oriente, miéntras Washington ta lidia ku un siere federal parsial, a bisa den un entrevista ku AP ku e tabatin speransa ku e “demókratanan den Senado ta mira un forma pa habri gobièrnu bèk”.
