WILLEMSTAD.- Festival di Tumba 2020, e selebrashon di 50 aniversario dje Festival lo konta ku presensia di algun invitado spesial. E promé invitado ku nos a risibí konfirmashon ku lo e ta presente ta Peter van der Pligt. E ‘Rei sin Korona’ ku na 1992 a kousa un sensashon ku e komposishon ‘Kumpli Kuné’ a keda invitá pa ta presente komo kantante di un dje klásikonan di Festival di Tumba di Kòrsou. Nos a komprondé for di nos fuente ku dia 27 di yanüari 2020 ‘Shon Pé’ lo yega Kòrsou. Konfirmashon dje informashon aki a tuma lugá ku un miembro di direktiva di AMAK kende a kuminsá hari so na momentu ku ela keda konfrontá ku e pregunta.