WILLEMSTAD.- Miéntras ku aki na Kòrsou nos ta selebrando e di 50 aña di karnaval, na Ulanda e Konseho di Kultura a presentá ‘Zomercarnaval’ di Rotterdam 2021 na Unesco pa protekshon di patrimonio kultural inmaterial di aña. Na opinion di e Konseho di Kultura, e evento aki por ta un kandidato pa subi e lista di Unesco.
E patrimonio kultural inmaterial di Unesco tin komo meta pa garantisá i promové kustumbernan, ritual, fiestanan, práktikanan sosial i di arte pa futuro generashonnan.
Manera ta konosí Zomercarnaval  ta un festival tropikal anual na Rotterdam ku partisipashon i bishitantenan for di henter pais pero tambe for di eksterior. Algu ku a inisiá komo un karnaval antiano pa promové un enkuentro kultural a krese bira un fiesta unda mas ku 25 diferente kultura ta partisipá.
E Konseho di Kultura ta kere ku Tambú i Kaha di òrgel ta kandidatonan ku lo por keda nominá den futuro. Esaki nan den futuro lo tin bon chèns segun e Konseho aki.