WILLEMSTAD.-  E kantante, Pink, 38 aña, a keda proklamá pa e revista People komo e muhé di mas bunita na Mundu. Ku esaki Pink ta tuma e título for di Julia Roberts.
Segun e revista, e kantante ta e personifikashon di un muhé bunita. ‘E ta un artista, un mama, un modelo pa sigui, honesto, dibertido i sigur di su mes, loke ta konbertié den un dje artistanan mas kerí di nos tempu’.
Den un kombersashon ku Ellen DeGeneres, Pink a broma puntrando ku si ta su yunan, Jameson (1 aña) i Willow (6 aña) a regla e título pe. Pa e siguiente edishon dje revista, e kantante ta aparesé ku su yunan riba e portada dje revista.
E públiko ta skohe anualmente e muhé i hòmber mas sèksi i bunita. E último título a bai resientemente pa e kantante, Blake Shelton. E título di muhé mas bunita den pasado a yega di bai tambe pa Jennifer Aniston i Sandra Bullock.