WILLEMSTAD.- Ku masha plaser i gran orguyo organisashon di Curaçao North Sea Jazz Festival ta anunsiá e nòmbernan nobo huntu ku esnan ku ya t’ei riba e aliniashon eksistente di e presentashon di aña  2019. Djabièrnè 30 di ougùstùs Pitbull lo habri riba tarima Sam Cooke i djasabra Mariah Carey lo hasi meskos riba e mesun tarima. Ademas lo hasi nan presentashon riba djabièrnè Maxwell i Kenny G. Organisashon a agregá na e programa di djasabra nòmbernan di e artistanan David Sanborn i  Aloe Blacc. Anteriormente ya a keda anunsiá binida di: Maroon 5, Ozuna, Gladys Knight i Third World.  Curaçao North Sea Jazz Festival ta start riba djaweps 29 di ougùstùs ku konsiertonan grátis di: e agrupashon Havana D’Primera i Aymée Nuviola. E karchinan di entrada pa e anochi akí lo keda  repartí riba djadumingu, 2 di yüni próksimo den Sentro Komersial Sambil.