ORANJESTAD.-Polis di Aruba ta informá ku durante di un kontròl di e taskforce ku ta konsistí di polisnan di KPA, Economische Zaken i DVG a topa gran kantidat di kokaina, mariwana, base, 20 mil florin kèsh, 1 revòlver i 1 pistol  den un kas na Koningstraat.

E sospechoso J.A.R. nasé na Aruba di 40 aña di edat ta biba di ònderstant. Tumando esaki na konsiderashon a konfiská su bròmer marka Suzuki tambe. A transportá tur loke a keda konfiská i a transportá sospechoso pa warda kaminda “Seccion Crimen Organisa y Afpakteam” lo kontinuá ku e investigashon.