ORANJESTAD.- Kuerpo polisial di Aruba ta informá ku ta hasiendo investigashon rigoroso relashoná ku un menasa di ‘active shooting’ na un skol. E menasa aki ta skeiru riba retnan sosial i ta kousando pániko den e pais bisiña.

Polis mes ta bisa ku nan ta atendiendo e kaso aki ku hopi prioridat i seriedat teniendo kuenta ku e embergadura.

Tristu pa bisa pero na Merka ya kaba ‘mass deadly shooting’ na skolnan i otro lugánan públiko a bira kasi komun. Ta di spera ku polisnan di Aruba logra solushoná i prevení ku algu asina ta sosode.