PARIS, AP.- Polis di Fransia ta buskando un sospechoso ku a depositá un saku di papel konteniendo un artefakto eksplosivo. E artefakto a eksplotá un dia anterior, heridando 13 persona den un kaya transitá pa peaton den e siudat di Lyon.
E fiskal anti terorista franses, Remy Heitz, a bisa ku a start un investigashon pa “asesinato relashoná ku un aktividat terorista” i pa “asosiashon terorista kriminal”.
Ningun grupo a tuma responsabilidat pa e eksploshon, segun Heitz a aklará den un konferensia di prensa.
Segun outoridat regional, e 13 heridonan a sufri heridanan menor. Diesun di e víktimanan tabata interná ainda riba djasabra mainta.
E presidente franses, Emmanuel Macron, a kalifiká e eksploshon komo un “atake” durante un entrevista djabièrnè tokante elekshon den Parlamento Europeo.
Heitz a deskribí imágennan di kámara di vigilansia mustrando e sospechoso riba su baiskel bayendo e sentro di siudat di Lyon djabièrnè atardi.
Polis a pidi yudansa di posibel testigunan ku publikashon di un imágen di e hòmber. El a wòrdu deskribí komo peligroso.
