ORANJESTAD.-Polis di Aruba ta informá di un aksidente ku a tuma lugá awe djasabra mèrdia banda di 12:30 parti patras di Lighthouse. E notifikashon ku a yega sentral di polis ta indiká ku

lo tin un hende hòmber ku a konfrontá problema den laman.

Sentral di polis mesora a manda patruya di polis, ambulans i tambe brantwer na e sitio. Na yegada di e unidatnan por a konstatá ku lo tin un hende hòmber wantá na e barankanan. Mesora e personal di brantwer i polis a drenta akshon pa yuda e turista hende hòmber.

A logra reskatá e turista i e personal di ambulans a dun’é asistensia médiko. A transportá e turista aki pa hospital Dr. Horacio Oduber pa mas tratamentu médiko. E turista su situashon ta stabil.

Polis ta mustra satisfecho debí ku trahando huntu, den ekipo nan por mira un bunita kordinashon pa un reskate ku por ta peligroso. Agentenan polisial no a duda y a sali yuda unidatnan di bombero mesora ku na final ta mira un resultado positivo.