ASUNCION, PARAGUAY, AFP.- Desénas di polis a keda heridá durante konfrontashonnan ku indigenanan dilanti di Kongreso di Paraguay na Asuncion, ku a protestá kontra un lei ku ta kastigá invasornan di tera, segun AFP.
Alrededor di 2000 indígena a kima tres vehíkulo i tira palu i piedra riba e agentenan ku a usa gas lakrimógeno pa plama nan.
Paraguay ta un di e paisnan ku mas tantu desigualdat di tereno, despues di Honduras, Guatemala i Brasil. 80% di tur tereno agríkola di e pais ta den man di 1,6% propietarionan di tereno, segun e organisashon Oxfam.
Senador Fidel Zavala di Partido Patria Queria a bisa ku “e lei no kier persiguí niun hende pero mas bien brinda seguridat na siudadanonan di zonanan urbano i rural i tambe e komunidatnan indígena”.
“E intenshon di e lei ta pa protehá propiedatnan privá pa tur hende por traha i pa garantisá ku nan propiedat no ta wòrdu invadí”, segun indikashon di senador Enrique Bachetta, di Partido Colorado.
