NEW YORK.- Premio Emmy tabata manera tur hende por a spera, un anochi yená ku polítika  i esaki tabata e kaso  for di e presentadó Stephen Colbert te Lily Tomlin, Jane Fonda i Alec Baldwin.

Tur a menshoná lokual ku ta tumando lugá  bou di  gobernashon di Donald Trump. No a trata solamente di un anochi di polítika pero tambe diferente temanan i bosnan nobo. Bosnan manera Sterling K. Brown, e promé aktor koló skur ku durante 20 aña tabata den kategoria di drama, Lena Waithe, e promé hende muhé koló skur  ku a gana e premio di komedia i Donald Glover e promé direktor koló skur di un serie kómiko di galardon  di kual e tabata tambe e mihó aktor.

E viktoria di e aktor britániko Riz Ahmed kende tambe a representá un biaha   e hòmbernan di orígen asiátiko. E historianan a base di hende muhé a bria na grandi: “Big Little Lies”, “The Handmaids Tale”, i “Veep” kual tabata e tres prinsipal kategorianan.  Ounke tabatin ousensia notabel di latinonan i otro asiátikonan.

E momentunan ku mas a destaká durante e anochi tabata momentu ku Colbert a ataká Trump na vários okashon  durante apertura i e públiko a keda sorprendí na momentu ku a yama “Sean” riba esenario i a sali e eks sekretario di prensa di Kas Blanku pushando un podio ku wil hasiendo komo si fuera ta un chiste  relashoná ku su afirmashon dudoso a base di e kantidat di persona ku a asistí na e seremonia di huramentu di Trump.

“Esaki ta e oudiensia mas grandi  ku por a keda presensiá durante premio Emmy.   Sterling K. Brown a bira e promé aktor koló skur den 19 aña ku a gana den e kategoria di drama pa “This Is Us”. A rindi un homenahe na e promé hòmber afro estadounidense ku a gana e premio, Andre Braugher i tambe ta gradisí su kompañeronan di elenko.

Waithe a ekspresá su gratitut na esnan ku a vota pa e premio Emmy. Ahmed tambe ta e promé hòmber di orígen asiátiko ku a gana Emmy den e pelíkula “The Night Of”. E programa galardon den e otro kategorianan prinsipal tambe tin historia di e hende muhé. “The Handmaid’s Tale i “Veep”.

Kate mc Kinnon kende a gana e premio di mihó aktris a rin di homenahe na Hillary Clinton pa su kurashi i grasia. Tambe durante premio Emmy a pone den memoria e aktor Harry Dean Stanton ku a muri djabièrnè na e edat di 91 aña.