WILLEMSTAD.- Domi King a traha letra i melodia miéntras Jesus ‘Chu’ Martinez i Fidel Requinto a areglá ‘Por andar de Locos’, un bachata ku a keda produsí ku músikonan di renombre pa loke ta trata bachata na Santo Domingo, República Dominicana. E biaha aki Domi King ta presentando e kansion nobo ku kolaborashon di Nino Meyer un gran artista di bachata aki na Kòrsou ku ta bèk den farándula. Domi King no a stòp i ta sigui traha riba su proyektonan musikal, reinventando ku e kolónan nobo di bachata moderno, tresiendo dje forma ei riba merkado piesanan bunita manera ‘Amame’ ku ainda ta zonando na diferente radio aki na Kòrsou i awor ku ‘Por andar de Locos’ e ta spera ku e lo kai na agrado di nos dushi pueblo di Kòrsou. ‘Por andar de Locos’, un bachata di hopi kalidat por ser skucha riba e plataforma digital, manera YouTube. Keda pendiente pa mas músika di Domi King.