PARKLAND, FLORIDA, MERKA, AP.- Un eks alumno a kuminsá tira djárason den un skol sekundario di Florida i a mata por lo ménos 17 persona miéntras sobrá di e studiantenan a hui di e siniestro.
Den e tiroteo mas mortal riba teritorio eskolar den Merka desde ku un hòmber a tira personal i alumnonan di un skol básiko na Connecticut.
E mayornan desesperá a yega e Skol Sekundario Marjory Stoneman Douglas, kende su instalashonnan a wòrdu rondoná pa ambulans i un ekipo táktiko di polis. Un video kaptá bibu a mustra reskatistanan atendiendo ku e heridonan riba asera.
Polis a detené un sospechoso di 19 aña, mas o ménos un ora despues ku el a sali di e skol, asina outoridat a informá.
E hefe di polis di kondado Broward Scott Israel, a bisa ku e sospechoso a wòrdu ekspulsá pa motibunan disiplinario. E tabatin por lo ménos un arma. El a indiká ku mayoria di e víktimanan a muri den e edifisio, ounke tabatin mortonan pafó di esaki tambe.
E sospechoso a wòrdu identifiká komo Nikolas Cruz, segun indikashon di un funshonario federal na altura di e insidente.
