LIMA- Informashon di último momentu ta indiká ku posiblemente lo trasladá e Rubiano Joran van der Sloot pa e prizon di El Salvador. E informashon ku a drenta ta infiká ku outoridatnan di Peru lo ta konsiderando seriamente pa trasladá Joran.

Na e momentunan aki Joran ta será den e prizon di maksimo seguridat Challapalca, na un altura di kasi 4600 meter den territorio di Andes. Pero outoridatnan peruano ta konsiderando seriamente pa traslad’e pa Centro de Confinamiento del Terorismo (CECOT) na El Salvador.  Esaki ta e prizon ku tin aktualmente alrededor di 40 mil detenido. E selnan ta yen di hòmber riba otro, sin matras pa drumi riba dje.

Ta parse ku e gobièrnu di Peru lo a logra un akuerdo ku El Salvador. No ta solamente Joran van der Sloot, pero tambe algun kriminal venesolano ta entre esnan ku Peru ta konsiderá pa trasladá pa El Salvador. Ta den un karta Van der Sloot ta informá su sernan kerí ku aparentemente Peru lo ta konsiderando su traslado. Joran no ta gusta e idea aki niun tiki, segun e informenan.

Na 2010 a duna Joran un sentensia severo pa e asesinato di e dama Stephany Flores di apenas 21 aña e tempu ei. Banda di esei Joran mes a rekonosé su partisipashon den e kaso di desaparishon di Natalee Holloway na Aruba na 2005, asina Panorama ta informa.