KRALENDIJK,- E siman aki minister hulandes di Siguridat i Hustisia, Ard van der Steur den su kalidat di atministradó di Kuerpo lo postulá sr. Jose Rosales na Rei Willem Alexander pa keda nombrá komo hefe di Kuerpo Polisial Hulanda Karibense.

E nombramentu aki lo drenta na vigor entrante promé di yanüari 2017. Riba 12 di yanüari e minister lo instalá e hefe nobo di Kuerpo ofisialmente durante di su bishita na Boneiru.
For di promé di mart, na momentu ku Hildergard Buitink a baha komo hefe di Kuerpo, Jose Rosales a fungi komo hefe interino di Kuerpo Polisial Hulanda Karibense i anteriormente ela fungi tambe komo hefe suplente di Kuerpo.