WILLEMSTAD.- Gobièrnu ta informá di preisnan nobo pa gasolin, gasoil, awa i koriente. Tantu gasolin, gasoil i koriente ta baha miéntras ku awa si ta subi.

E bahada di e tarifa usuario final pa gasolin ta prinsipalmente resultado di un bahada den e preis di kompra i tambe den e korekshon di e komponente surplus/défisit. E bahada di tarifa usuario di gasoil LSD ta resultado di un bahada den e preis di kompra i un subida den e komponente surplus/défisit. E preis di gasolin tabata 1.656 pa liter i entrante 2 di mei e ta bira 1.626 pa liter. Gasoil tabata 1.132 pa liter i ta bira tambe entrante 2 di mei 1.087 pa liter. Silindernan di gas chikí i grandi ta keda mesun preis esta 8 i 40 florin.

Relashoná ku koriente i awa gobièrnu ta splika ku ta trata di un bahada di tarifa di koriente ku prinsipalmente ta resultado di preisnan abou di kombustibel. E tarifa di awa apesar di e preisnan abou di kombustibel ta keda igual pa motibu di un faktor korektivo haltu di e luna anterior.

Koriente tabata 0.5075 pa kW pa ora i ta bira 0,4756.

Awa ta 7.0277 pa meter kúbiko i ta bira entrante 1 di mei 7.0369.