ORANJESTAD.-Un ratu pasa prome minister di Aruba sra. Evelyn Wever-Croes a yega Aruba beek despues ku outoridatnan di hustisia a detene Glenber Croes, te na e momentunan ei minister den e gabinete Wever-Croes. Den su prome palabranan sra. Wever-Croes a bisa ku e desaroyo aki a dal’e duru pasobra e gobiernu ta trahando duru pa hiba e pais dilanti.

Glenbert Croes a entrega su retiro, a base di lei i tambe a base di palabrashonnan ku nan tin den nan partido i den gobiernu ku na momentu ku un minister bira sospechoso e mester entrega retiro. Awor ta bai laga tur kos den man di Ministerio Publiko pa mira kiko ta bai pasa.

Komo gobiernu nan ta demishonario pa algun siman kaba i tin palarashon ku ta atende solamente asuntunan koriente te na momentu ku tin un gobiernu nobo. Gobernador a pidi e mandatarionan pa sigui hasi trabounan te ora elekshon yega. Evelyn Wever-Croes no por a bisa ken lo ta e minister ku lo tuma tareanan di Glenbert Croes ainda. E prome minister a indika ku e mester bai reuni ku su koleganan minister pa wak kon ta hasi repartishon di e trabounan. Maneho di minister Croes ta sigui.

Pa loke ta trata partido MEP e lider politiko a bisa ku esaki sigur ta un sla formal. MEP semper a para pa integridat. Ta duna espasio na hustisia pa hasi investigashon. Glenbert Croes a priminti di lo bai dedika tur su atenshon pa demostra su inosensia. Glenbert Croes tabata un hende hopi stima, pues mester bai atende den partido. Awor aki ta net 10 dia prome ku mester entrega lista pa partisipa na elekshon.