MERKA.- Daddy Yankee mester ta super kontentu ku e galardonnan ku el a risibí durante dje último edishon di ‘Premios Juventud’ ku a tuma lugá djaweps último.
Durante dje anochi mas di 50 artista a kompartí e tarima den ‘Watsco Center’ na Universidat di Miami, kaminda a otorgá premio pa e artistanan ku a kanta i bira doño di temanan mas popular dje aña aki.
Tabatin ganadó den 10 diferente kategoria, ku a keda selekshoná pa fanátikonan via di Internet, sinembargo Enrique Iglesias a risibí e rekonosementu spesial titulá ‘Ídolo de la Juventud’ i Maluma a risibí ‘Premio Supersonico’. E kantante Colombiano a gana tambe den e kategoria di ‘Mihó artista fashionista’ i ‘Mihó Instagram’.
Luis Fonsi i Daddy Yankee ku nan ‘Despacito’ a gana den kategoria ‘Combinacion Perfecta’ i ‘Mihó kansion pa kanta’. Daddy Yankee tambe a bai ku e premio di ‘Mihó kansion pa baila’ ku ‘Shaky Shaky’ i J.Balvin a gana premio pa e ‘Mihó Video’ pa ‘Sigo Extrañandote’.