WILLEMSTAD.- Ayera e duo di Prens i Pancho Grandi di Karnaval 2018 a sali ayera pa Hulanda kaminda nan lo ta partisipando den Zomerkarnaval ku ta tuma luga djasabra awor.
Jhuriel Plantijn i Marvion de Jezus a keda kompaña pa presidente di Fundashon JAG, Juni Aniceta.
Na Hulanda nan lo djoin e Reina di Karnaval 2018 pa dje forma ei nan hasi algun bishita di kortesia na entre otro Kas di Korsou i kumpli ku kompromisonan ku e organisashon di Zomerkarnaval. Riba foto bo por apresia momentu ku e duo tabata kla pa biaha i tambe famia i konosinan ku a bin despedi di e hobennan.