WILLEMSTAD.- Djabièrnè, dia 24 di mart, lo tin e evento di "Pelíkula den Bario" di CIFFR. Durante di e evento Curaçao International Film Festival Rotterdam lo presentá un di nan pelíkulanan internashonal kompletamente grátis na públiko. E presentashon aki lo tuma lugá den nos propio Gallery Esmeralda.
Durante di e presentashon aki tambe lo bo tin e oportunidat pa mira un pelíkula kòrtiku trahá pa IBB den kooperashon ku CIFFR i dirigí pa direktor Damian Marcano, for di Trinidat.
E pelíkula aki, yamá “Kurason di un Mònster”, ta konta e historia di un pueblo chikitu kaminda nan ta manda e hende hòmbernan bai bringa un mònster pa hopi siglo kaba. Nos ta djòin e kuenta kaminda, Dada (interpretá pa studiante di IBB Leomar Imperator), ta preparando pa bai laga su pueblo i bai kombatí e mònster. Lo e ta viktorioso? Bin wak e pelíkula pa bo sa!
E presentashon prinsipal e anochi aki lo ta 'Landfill Harmonic'. E pelíkula ta sigui e Orkesta Resiklá di Cateura; un grupo di orkesta di kual su repertorio kompleto di instrumento ta konsistí di shushi ku nan a haña riba e landfill serka di nan pueblo.
Porta ta habri 7’or di anochi i lo kuminsá ku e presentashon pa 7.30pm

IBB OPEN HOUSE 2017
Djasabra, dia 25 di mart, IBB ta bai tene su dia habrí anual.
Bo ta un hóben ku hopi talento? Of porta bo konosé un ku tin? Bo ta interesá den arte i kultura en general? E ora ei bin tira un bista kiko tur IBB tin di ofresé djasabra awor!
Nos lo habri for di 10’or di mainta te ku 5’or di atardi di moda ku bishitantenan por haña un idea kiko IBB ta kome i bebe. Tambe nos Gallery Esmeralda lo ta habrí pa boso tur ku lo ke mira trabounan den nos kolekshon trahá pa artistanan di bishita, nos studiantenan i tambe klientenan di Klínika Capriles.