WILLEMSTAD.- LA VIE ta e grupo di Karnaval ku a hasi nan debut e aña aki den Karnaval 2017 i a sali den e “Tòp 10” di Karnaval 2017. Mañan djasabra nan lo tin presentashon di trahenan di Karnaval 2018. E evento den un ambiente di happy hour ‘Pika Pika’, lo tuma lugá riba e parkeerplaats di Gartish Tegelwerk i ta kuminsá pa 7’or di anochi i terminá 9.30. La Vie a ranka sali trempan pa keda kla na tempu pa Karnaval 2018. Kontrakt ta firmá kaba ku nan house band “Daiquiri” ku lo bai kompañá La Vie durante Marcha Grandi 2018. La Vie ta bai ku e tema “The Power of Magic, with Fairies & Wizards”. Den Gran Marcha 2018 La Vie ta bai hasi un magia di gozadera. Direktiva di La Vie ta bisa ku nan ta sigui ku nan 3 sekshonnan di Supreme, Sexy Bomba i Elegance i nan lo tin un sekshon èkstra di sorpresa ku hopi hopi suspenso. Durante hinter e periodo di Karnaval aki La Vie lo bai organisá diferente aktividat. La Vie ta konvensí ku nan lo laga sa ku nan tei un biaha mas den Marcha Grandi di Karnaval 2018. Pa mas informashon i inskripshon: www.lavie.live òf tuma kontakto ku Sra. Louella Keller na 665-5524. Keda pendiente pa… La Vie Karnaval 2018!