WILLEMSTAD.- Ayera nochi a tuma lugá na Riffort Village e presentashon di trahe di gruponan ku ta partisipando na Marcha di Seú 2019. Un total di 35 grupo a konfirmá nan partisipashon na e presentashon di trahe ku a bai kompañá ku shou di baile di Futuro Memoria di Kòrsou i presentashon di entre otro Kantadó Mayó, Sharrel ‘Adjatay’ Denisia. Marcha di Seú 2019 (pariba) ta tuma lugá djaluna awor, 22 di aprel 2019 saliendo pa 10.30 di mainta for di F.D. Rooseveltweg na altura di Radio Direct. ‘DEN E BEMBE’ tabata pendiente pa risibí e lista di gruponan partisipante, pero Fundashon Kultural Seú Kòrsou te na momentu di imprenta no a manda e lista di gruponan partisipante na Marcha di Seú 2019. Riba foto nos por apresiá algun momentu durante dje presentashon di trahe ayera nochi na Riffort Village.