WILLEMSTAD.- Grupo Azalea ta e grupo nobo di Seú ku hopi ambiente.
Flor di Azalea ta bunita i popular. Rònt Mundu tur hende ta gusta e flornan di Azalea. Den kasi tur bukèt bo ta haña flor di Azalea. For di leu bo ta rekonosé Azalea na su kolonan i su dushi holó. Azalea su famia ta grandi.
Azalea ta simbolisá Amor, Stimashon i Ternura. Su kolonan ta para pa Alegria, Union i Rèspèt. Su dushi holó ta duna Fe, Speransa i dushi Ambiente.
Djamars, 10 di mart 2020 lo tin presentashon di trahe pa 7 or di anochi na Komedor Krioyo Plùs. Riba e dia aki por inskribí tambe pa partisipá. Kontribushon pa partisipá ta 550 florin pa Adulto i mucha te ku 12 aña 350 florin. Inskripshon ta kosta 50 florin. Kontribushon ta enserá: Trahe; partisipashon na Marcha Grandi di Seú, Marcha di Seú Bándabou; Animashon di ‘Bena Mayo’ i konsumo.
‘Bena Mayo’ ta un agrupashon rítmiko, eks HPA, den un konstelashon nobo.
Pa mas informashon por yama Pastor Curtis Meris na 520-2097, Daralice Vieira Barreto na 520-3050 òf Jessica Damon na 569-4418.